Bad-Flow - LIYAM
مشيت للحومة فين خلقت وتربيت
تفكرت راسي وأنا باقي صغير
شحال لعبت هنا وشحال جريت
من صغري وأنا كنحلم نطير
باقي كولشي كيف ما كان
الناس دالحومة والجيران
نفس الديور نفس البيبان
يا حسرة على ليام زمان
تلاقيت صحابي لي معهم تربيت
توحشتهم بزاف درعتهم وبكيت
عودولي شني وقع مور ملي مشيت
عاقل على كولشي والو ما نسيت
نسينا راسنا وبدينا نجريو
نتفكرو الماضي وليام الصغر
الدنيا صغيرة قولي شغانديو
كولشي كيتسالا حيت البولا كتدور
عشيري دوزنا أيام حايلا
عيشنا طفولة حايلا
يا ليت الماضي يولي
عشيري سلامي لولاد الحومة
فطاليكو (الحبس) ولا غربة
والله يرحم لي ماتو كاملين
عشيري دوزنا أيام حايلا
عيشنا طفولة حايلا
يا ليت الماضي يولي
عشيري سلامي لولاد الحومة
فطاليكو (الحبس) ولا غربة
والله يرحم لي ماتو كاملين
دوري بينا يا ليام للور
روديلي شبابي وليام الصغر
داوي جناحي لي ولا مكسور
توحشت نطير أنا مع الطيور
كنا كنحلمو أحلام غريبة
غير يخليونا نلعبو الكورة فالدريبة
سيرو تلعبو في الإتساع المصيبة
كنا كنحشمو كانت الهيبة
أيام الصغر عمرها ما تنسالي
ذكريات باقا في بالي
إلا جيت نعاود ما غانسالي
عشيري أيام ما غاتنسالي
فخاطر الدراري دالحومة ديالي
تهالاو فراسكم أخوتي وماتنساوش
راكم ديما فبالي
عشيري دوزنا أيام حايلا
عيشنا طفولة حايلا
يا ليت الماضي يولي
عشيري سلامي لولاد الحومة
فطاليكو (الحبس) ولا غربة
والله يرحم لي ماتو كاملين
عشيري دوزنا أيام حايلا
عيشنا طفولة حايلا
يا ليت الماضي يولي
عشيري سلامي لولاد الحومة
فطاليكو (الحبس) ولا غربة
والله يرحم لي ماتو كاملين
تعليقات
إرسال تعليق