ماذبحني غير - عبدالرحمن الشمراني
ماذبحني غير نقاض الجدايل
كل ماصديت مالي عنه صده
العيون وساع والخصر يتمايل
والنعومه بين في حيد خده
لانظرت بعينه اليسرى الهوايل
وان نظرت يسار سيف في حده
ياغضيض العنق لاتنسى الجمايل
لين ريح الطيب منك يفوح نده
لامتى وانتم تشيلون الرسايل
من بحر بحر الخليج لبحر جده
ارحم اللي منك مدري كيف قايل
لا ذكرك يقوم من فوق المخده
منكم عزومي بها قاصروطايل
والجروح الخافيه والمستجده
من سهوم الشوق فضلوعي نحايل
فالغلا والشوق ميزان الموده
قدرك اكبر عندنا من ضلع حايل
في خفوقي مابعد بيحت سده
وماذبحني غير نقاض الجدايل
كل ماصديت مالي عنه صده
تعليقات
إرسال تعليق