اشتكت روحي - عبدالرحمن القريشي 

يا حبيبي والله اني من الفرقا صويب

اشتكت روحي بصدري لها صوت وصدى

الصبر ما فاد والجرح عيا مايطيب

أتعزز في المواقف و انا مالي جدى

جرحي اللي ما يفيده مداوات الطبيب

كل يوم يزيد ويزيد عيا ما هدى

من لقى له في حياته على الدنيا صحيب

يرخص اللي غالي في مواجيبه فدى

لي رحل يبقى وجوده و ذكره ما يغيب

ما نضيّع  تضحياته ولا راحت سدى

فيه نسمة ود و اشجان حزات المغيب

وقلبه الشفاف صافي مثل قطر الندى

في قباله ديمة تحيي القلب العطيب

من بعد طول ابتعادٍ ومن بعد المدى

ايييه قربه واقترااابه وهو مني قريب

خافقي من بعد لقياه سمى وهتدى

هو صدوق في وصاله و للصده حريب

مثل ما راعي الجمايل حريب للردى