نسهر الأيام - يوسف الشهري
انته ادرى ..وانته الداري
يا موثق بالحشا وكره
والهوى لي هيض الساري
ويش يصبر شوقه البكره
والهوى ياسيد افكاري
مايردك بحره وبره
لو كشفنا مجمل اسراري
استلذ القهوه المره
مرحبا ياحي ذا الطاري
كم ضميري وصلكم سره
انت مثل الهادي الناري
ياظلال العصر في حره
يفخر المحبوب ويماري
في حبيبٍ بالهوا بّره
يدمح الزلات واعذاري
كل ماظرف الزمن ضره
لو تشوف الدمع لي جاري
كل ما هب الهوا ذره
قد غدا لي شي بيساري
مدري اللي تله ويره
لو تجيبك مجمل اشعاري
بسلبك واعاود الكره
او تجيبك صادق اقداري
مثل حظٍ باهي ٍ دره
بسهرك والليل قماري
نجذب النجمات بالجره
نسهر الايام ونداري
كل علم ٍ خافيٍ سره
والنجوم اللي غدت ذاري
حول نفسٍ فيك مغتره
مرت ٍ يفرح بك الساري
ومرت ٍ تحرقه وتشره
يا بعيد الدار عن داري
المحب الصادق اتمره
كافي انك تعرف اخباري
والعمر ياسيدي مره
بسهرك والليل قماري
نجذب النجمات بالجره
نسهر الايام ونداري
كل علم ٍ خافيٍ سره
تعليقات
إرسال تعليق