مكتفي عن حب غيرك - عايض ال شريم
يالمها طلتك فوق فوق من بين النجوم
جل من صور جمالك جمال يوسفي
نظرةعيونك حياتي مع زينك عموم
وخطوتك لاجات يمي ارحب واحتفي
ارحبي ياشيخة الغيد يابنت القروم
ارحبي ياطب جرحي ومن له يسعفي
في رموش عيونك الساهيه ماني بسوم
ولا يهون المبسم الساحر عليك الله الطفي
كن في خدك شعاشيع براق الغيوم
شيخة الحسن الحقيقي مايقال ويوصفي
السوالف معك ساعه تنسيني الهموم
ماحلا همسك ونطقك دخيلك سولفي
لو على يمتك صارو المزاين والدهجوم
والله انك شامخة جد يامهاتي واعرفي
يالمها يالنادره لطفك يماشي الغيوم
وفيك ميزات السجايا وفود تهتفي
فيك من وصف الفرس عز ماهو بمهزوم
في السباق وفي القوام ثابته ماترجفي
يامها حبك بقلبي يعسى عزك يدوم
مكتفي عن حب غيرك وربي مكتفي
معجزة واية عظيمة من ايات الرحوم
نادرة ميزات واطباع واحساس وفي
جعلني فدوة ويالعنبو من هو يلوم
دام نورك لاظهر كل نور يختفي
فيك بفاخر وحبك يزيد بكل يوم
ياملاك الروح بك دايم متشرفي
في غيابك دمع عين ومتاهات الحلوم
وفي جناب حضورك يزين حالٍ موسفي
في وصالك شرح خاطر وفخرفي قدوم
وفي غيابك يبس ريق وطرف ماغفي
الهناء في شوفتك حولنا دايم يحوم
والسعد بقبالك السمح الوفي العاطفي
تعليقات
إرسال تعليق