عشت مالا اطيقه - الوليد ال عامر

يا وجودي كان ما للتوجاد محصول 

وجعة الرجّال منّه عليه اكبر منه 

حي طلّاع الصدْر زفرته لو ما تطول 

حيّها لو ماهي الليّ بـ ترفّه عنه

والله ما يرتاح من ذا الحياه الا مهبول 

مهبول ولا معه هم صدرً يسجنه

ليلة البارح علي ماهي بـ مثل الليول

امحق ليال العمر و ابرك احزان السنه

يلزم الرجّال روحه و تلزمه الحلول 

 لا فخت قلبه محبً فخاته مشحنه 

غاب ابي منّي وانا كان ما اعرف الحمول 

لين طيّح عمّي الشين و امحق الازمنه

يدله من عويضه شوي و يعوّد يقول 

يا جماعه وينه عويضه و ويني عنه ؟

عشت مالااطيقه وشفت قرّاع الطبول

ليت ابي يرجع علي والله اني ما احزنه 

فيه همً ما يخطّر على بعض العقول 

وفيه حزنً ما تراه العقول المبطنه 

حيّ صوته ودّي انه يقول اللي يقول 

لو ما عيّن من ورى صوته الا دندنه

كان ولا ليت ولا اه ولا ويش اقول 

والله يا ذا الوجعتين ان ماهي هيّنه