عذبت حالي - غريب ال مخلص 

ماجور يازين وش حالك

انا اتشغق على لقياك

يفوح عطرك مع اقابلك

وهبت هبوب الهوا بذكراك

شكلك وعنقك وسلالك

ثلاث تحصر على مبداك

وخصرك شبر يشكي اعمالك

ضمرت خصرك وزان احكاك 

مبسمك برقً كشف شالك

اتلوح لي والولي يرعاك

وانا اتحراك وابرالك

ياجعل من لامني يفداك

دقيت من رقم جوالك

واثر اتصالي فشل ماجاك

امن اول اجيك واعنالك

وادوج في دارك وبـ حمالك

واليوم من عاد يصفالك

هذاك جابك وذا وداك

انا اتقصا من احوالك

واثر المقادير ماتحداك

عذبت حالي مع حالك

والجرح في خافقي ينعاك

روحت مني على فالك 

وياليت قلبي بعد ينساك

رفعت قدرك ومنزالك

ولانت عزيت من خلاك

ضو الشتا تقصر اظلالك

في اليل والبرد ماسراك

اخاف لاتجلس الحالك

يروح ليلك على مركاك

وشلون ماطرا على بالك

وطواري الحب ماتخفاك

غنيت بيتك وموالك

وحلفت من بعدها مانصاك