الشتاء ادفى من شعورك - سلطان بن مريع 

اذْكِرِك مع كل قطره من السما تنزل مطر

صوتها لامن عزف في مسمعي قمت اذكرك

كل قطره ان شفتها تنزل وحولي تنتثر

كنّها حظي معك يوم ان زماني ينثرك

ما بقا من ذكرياتك غير صوره مع عطر

والعطر شوفه تبخر لي سنين ادورك

منجبر عايش وفكر واتذكر منجبر

مايهون الحب عندي وانت ليته يجبرك

الشتا ادفى من شعورك اذا عندك خبر

ليت طير الحب يصدق ليت بس يخبرك

بالمكان اللي تفارقنا اجيه و انتظر

كل يوم اجيه وادري ما تجيه و انطرك